فيلم "الفرح": نهايتان ودعوة إلى التسليم بالمكتوب

**عمرو السعودي**

فيلم "الفرح": نهايتان ودعوة إلى التسليم بالمكتوب

تقرير
وليد بدران
بي بي سي- لندن

يشكل المكان، الحارة الشعبية التي يقام فيها الاحتفال، محورا اساسيا لفيلم "الفرح"، إذ لا يتغير المكان إلا في بعض المشاهد مما يجعل الجمهور يعيش في أجواء أقرب إلى المسرح.

فكرة الفيلم الأساسية تدور حول القرار الذي يمكن ان يتخذه الانسان في ثانية واحدة ولكنه قد يؤثر على مسار حياة الكثيرين. لكن مخرج الفيلم يعمد الى أن تكون لشريطه نهايتان، وهو أمر ليس معهودا في "السينما المصرية أو العالمية"، كما يقول الناقد السينمائي المصري أحمد صالح في رده على سؤال لـ بي بي سي حول فيلم "الفرح" الذي لقي اهتماما على الساحتين الفنية والاعلامية.

ويرى أحمد صالح أن قيمة الفيلم تكمن في "انه يقدم الواقع وشخصيات إنسانية تتعاطف معها كما انه يقدم مجموعة من أنصاف النجوم الذين تحولوا إلى نجوم فعلا".

ويعتقد صالح ان المخرج نجح في "عمل صورة خرافية وخطف الجمهور إلى داخل الكادر الواحد وهو الفرح الشعبي".

بطولة الفيلم جماعية لأكثر من 10 اشخاص يعيشون في منطقة شعبية ويجمعهم حفل زفاف شعبي يقام بهدف واحد فقط هو جمع النقوط لزينهم (خالد الصاوي) الذي يسعى لشراء ميكروباص فاختلق أختا وهمية وعرسا وهميا ليتلقى "النقوط" من سكان المنطقة الذين سبق وجاملهم في أفراحهم.

وتتقبل والدته (الممثلة المعروفة كريمة مختار) الفكرة على مضض وتعترض على وجود راقصة وكحوليات ومخدرات في الفرح "لأننا نريد من الله الستر"، وهي تحاول ثني الراقصة (سوسن بدر) عن عملها وإقناعها بالاقلاع عنه والتوبة.

هناك مقدم الفرح (ماجد الكدواني)، الذي كان أداؤه ملفتا، وتتسم علاقته بوالده بالتوتر، والمنولوجست (صلاح عبد الله) الذي هجرته الشهرة والذي يحلم ان يراه إبنه وهو يقدم أحد عروضه.

إضافة إلى ذلك هناك الفتاة المسترجلة (دنيا سمير غانم) والشاب الذي يحاول إغواءها (باسم السمرة)، والعجوز المتصابي (حسن حسني) الذي يحاول قضاء خميس ساخن مع زوجته (ايتن عامر) طيلة الفرح دون جدوى.

وذلك إلى جانب العروسين (ياسر جلال) و(جومانا مراد) اللذين مارسا الجنس قبل الزواج ويريدان المال اللازم لاصلاح ما فسد تجنبا للفضيحة أمام الأهل.

رسالة الفيلم

بموت الأم يجد الابن نفسه في مفترق الطرق: إما ان يستكمل الفرح بناء على نصيحة من حوله "حتى لا يكون هناك موت وخراب ديار"، أو ينهي الفرح ويعلن الحداد فورا.

في النهاية الأولى للفيلم يقرر زينهم استئناف الفرح فتهجره زوجته (روجينا)، ويسرق النقوط، وتقتل الفتاة المسترجلة الشاب الذي حاول إغواءها، ويحاول الطبيب الذي سيقوم بعملية إعادة العذرية للفتاة التي أخطأت مع عريسها الاعتداء عليها، وينكشف المونولوجست أمام ابنه، ويخذل مقدم فقرات الفرح والده، وتعود الراقصة إلى الرقص.

في هذه النهاية ثمة تمرد على القدر فكان أن نرى عقاب القدر.

أما في النهاية الثانية فنرى رضوخا للقدر إذ ينتهي الفرح ويقام العزاء وتختلف النهايات تماما ولا تقع تلك الكوارث ومن الواضح تماما ان هذه هي رسالة الفيلم.

يقدم فيلم الفرح عظة أخلاقية أو دينية تدعو إلى الرضوخ للقدر وتكريسا للأمر الواقع... ولكن في قالب سينمائي عالي المستوى.

a

عماد عبد المقصود

فعلا فيلم جميل جدا
انا اتفرجت عليه وكنت مشدود ليه اوى بالظبط كأنك بتتفرج على مسرح الديكور اتغير خمس او ست مرات بس ( الديكور اللى هوا مكان المشاهد ) وباقي الفيلم كان في الحارة اللى خلانى فعلا اعيش جو الفيلم اوى
اول اما دخلت الفيلم قلت اسمه الفرح اكيد هيكون فيلم كوميدي وفرايحي يعنى وغنى شعبي ومهرجانات ومولد من الاخر
لكن لقيت العكس تماما
يعنى حتى المونولوجست صلاح عبدالله المفروض انوا طالع يضحك كوميدي يعنى كان كلامه كله يخللي الواحد يعيط مش يضحك وعلاقات متشابكه كتيييييييييرة اوى ومختلفه واللى بيربطهم الفرح
اداء كريمه مختار رهييييييييييييييييييييييييييب بجد مش هقدر اقول فيها كلام
دنيا سمير غانم ادائه مصطنع بتمثل يعنى من الاخر
ماجد كدوانى شاويش الفرح مش لايق عليه الدور كبير عليه شويه
يعنى لو كان عمل الدور دة باسم سمرة كان بقي افضل
انما مجملا الفيلم خطييييييييير وقصه جميله
ملحوظه حسن حسنى دورة في الفيلم ملهوش لزمه يعنى لو اتقص مشاهده الفيلم مش هيتأثر
شكرا استاذ عمرو

عبدالحميد

فيلم أكتر من رائع قصه وحوار واخراج وطبعا تمثيل
التمثيل :
طبعا كريمه مختار عامله دور تاخد بيه اوسكار بالقليل
وكل الممثلين جامدين جدا

بس في رأيي الشخصي في حاجات مش متظبطه قوي في الفيلم

1- لما المخرج حب يورينا انتقام ربنا من اللي عاندوا القدر وكملوا الفرح
ازاي محمود الجندي (المعلم حبشي) ما يتعرضش لأي أذي وهو أصلا اول واحد اتكلم واقنع زينهم بأنه يكمل الفرح ؟؟؟؟

2- العريس والعروسه بعد اما وقفوا في الشارع وفضل يزعق ويقول دي مرااااااااااتي . إيه اللي حصل بد كدا ؟ يعني اتجنن ولا البوكس جه شالوا ولا هربوا ولا روحوا ؟؟ نهايه مفتوحه زياده عن اللزوم.

3- بعد اما دنيا سمير غانم قتلت الواد وقالت كلمتين تمام (كنت عاوز ايه ومش عارف ايه واديك شردت اخواتي ) ايه بقي الحته الابيض واسود بعدها لما قالت( ياسطي ! قوم ياسطي . ماتقوم بقي يا اسطي ) لا والله ؟؟ ماهي كانت لسه قبلها بتقول انها قتلته

4- أغنية (انا شارب سجاره بني) دخلت الفيلم علي أنهي اساس؟؟ زينهم متفق مع الكدواني هو اللي شايل الفرح كله
وبعدين فجأه زينهم قعد جنب واحد واداله المايك وغني (والكدواني بيغني اصلا) ودا فيّد لدا
وياااعم ولع كوكاكوكاكوكا واديله

بس بصراحه فيلم جامد جدا
واعلي من فيلم دكان شحاته بكتييييييييير

a7med7amouda

بصراحة أنا شايفة فيلم جميل جدا

ونقدى هنا هيكون فى نقطة واحدة بس

وهى ربط مصير ناس كتير بقرار زينهم

اذا وافق زينهم على تكملة الفرح ( فى ناس هتموت وناس هتتفضح و...و....)
واذا موافقش زينهم على تكملة الفرح ( يبقى خلاص : الناس مش هتموت ولا هتتفضح ولا.... ولا.....)

أحمد الليثى

فيلم عالى جدا
farao

أنس أيمن

فكره النهايتين جميله بجد ..
وجديده على السينما تماما ..
هو بصراحه الفيلم كله جديد على السينما المصريه ..
من ناحية عدد النجوم الكبير اللي فيه ..
اللي أكبر من أي عدد نجوم اتجمع في فيلم مصري ..
ومن ناحية تجسيد حقيقة الافراح الشعبيه بصورة صادقه تماما - وخاليه من التحسينات - ..
ومن ناحية الصورة الخاطفه والواقعيه القريبه للجو المسرحي الرائع ..
لكن ..
اللي مش جديدة خالص واللي باعتبرها بايخه ورخمه ومش مناسبه للفيلم أساسا ..
الموسيقى ..
وهي موسيقى ياسر عبد الرحمن لفيلم ليلة البيبي دول ..
الموسيقى جميله جدا ولا خلاف على هذا ..
ولكنها لم تناسب الفيلم على الاطلاق ، وايقاعها كان مختلفا تماما عن ايقاع الفيلم والممثلين ..
لما هو (المخرج) بيحب ياسر عبد الرحمن ..
ما يخليه يلحنله مزيكا جديده خالص خاصه بالفيلم بتاعه وملائمه لأحداثه ..
مش ياخد منه مزيكا فيلم تاني ..
لمجرد انها عجبته ..
غير النقطه دي ماعنديش اي نقد على الفيلم ..
بس عندي بعض ملحوظات :
1 - اللي مثلت دور زوجه ( حسن حسني ) في الفيلم هي ( مي كساب ) مش ( آيتن عامر ) يا أستاذ عمرو ..
2 - (ياسر جلال) و (جومانا مراد) .. العروسان .. قد مارسا الجنس بعد الزواج وليس قبله يا أستاذ عمرو ..
حيث أن المشكله كانت انهما كتبا كتابهما منذ مده طويله ولكن لم يعلنوا زواجهم حسب شرط والد العروسه
حتى يأتي العريس بالشقه والعفش والذي منه .. وحدث ما حدث في هذه الفتره قبل اعلان الزواج وليس قبل الزواج..
3 - دور (حسن حسني) ودور (مي كساب) ليس لهم أي فائده على الإطلاق .. بل بالعكس ..
خرج المشاهد أكثر من مره من جو الفرح وجو الفيلم عامه الى مشهد يضمهما وهما يتحدثان في مواضيع غريبه ليس
لها اي علاقه بموضوع الفيلم .. ولن يؤثر في الفيلم أبدا إزاله كل هذه المشاهد وهذين الدورين بالتحديد ..
وأخيراً وليس آخراً ..
زي ما قال عبد الحميد - حبيبي - ..
الفيلم جامد جداً وأعلى من دكان شحاته وإبراهيم الأبيض بكتييييييير ..